كشفت الفنانة إيمان العاصي عن رأيها في مشاركة ابنتها ريتا في عالم التمثيل، مؤكدة أنها ليست رافضة للفكرة لكنها حذرة بسبب صعوبة المهنة، وذلك في تصريحات صحفية خلال لقاءها مع برنامج et بالعربي.
وقالت إيمان العاصي: "أنا مش رافضة أنها تمثل، ولكن أنا عارفة قد إيه المهنة دي صعبة، وهي لسه في أولى ثانوي، فتخلص بس التلات سنين دول على خير وبعدين نفكر في ده. أنا مش عايزة أخد قرار عنها، ولو عليها عايزة تدخل المجال من دلوقتي".
وعن رفضها مشاركة ريتا في مسلسل قسمة العدل، أوضحت: "أستاذ أحمد خالد المخرج عرض عليا أن ريتا تشارك في المسلسل معانا، بس أنا قولت لا بلاش لأنه كان دور شرير، كانت هتضرب بنتي في المسلسل، والناس لما بتتوحد مع شخصية في المسلسل أي حد بيجي على الشخصية دي بيكرهوه، وعشان كده رفضت".
